ss

Welatparêzî ji zimanparêziyê dest pê dike! Ez ne xwediyê enstîtûya welatparêzî û zimanparêziyê me. Ez ne nobedarê tu teoriyên qerase me. Di destê min de tu mohrên keskesor tune ne. Lê tişta min fêm kirî ev e: Welatparêzî ji zimanparêziyê dest pê dike. *** Wekî hin serokan nikarim tu fermanan bidim. Mîna hin rêveberan nizanim tu talîmatan pêşkêş bikim. Nola Mamê Şêx ji min nayê ku nivîştiyekê çêkim. Lê tişta min fêm kirî ev e: Welatparêzî ji zimanparêziyê dest pê dike. *** Di destê min de ala welatekî serbixwe tune ye. Li pişta min tu artêşên babegît qet tune ne. Li pişt tu rext û mertalan gotinên xwe nabêjim. Lê tişta min fêm kirî ev e: Welatparêzî ji zimanparêziyê dest pê dike. *** Ji bo azadkirina welatekî tu formûlên min yên hazir tune ne. Hevokên min yên koçerane belkî nebin ‚şîv’a nifşekî birîndar. Nizanim dê gotinên min rêya çend 'şervan'an ronî bikin. Lê tişta min fêm kirî ev e: Welatparêzî ji zimanparêziyê dest pê dike.

Aqilê serdestan, barê bindestan wiha ye: "Zimanê Kurdî têrê nake...!"

Gava ku aqilê serdest û bindestan di hin qonaxên dijwar de bigihîjin hev û bixwazin şirîkatiya hin kuştinên nediyar bikin, ne mimkûn e ku êdî meriv bikaribe ava du sê gotinên bejî ji bo fikreke nû bimeyîne.

Serdest, bi her awayî -bi şerê xwe yê reş û spî ve!- bêhn û hebûna zimanê kurdî qedexe kirin û kirin ku qurmê zimanê kurdî birize û bikeve ber taq û diwaran, dû re bi rûyê xwe yê reş ve rabûn gotin: "Pirtûka we tune, romana we tune, matematîka we tune, tune tune... nexwe Zimanê Kurdî têra her tiştî nake...!"

Evdile Koçer - Zimanê Kurdî têrê nake?!...

Evdile Koçer: Qûna tazî tembûrê dixwazî!

Siyaseta rih-tazî pîneyên kemalîstî dixwazî

Demokrasiya mal-tazî qet muxalîfan naxwazî

Civaka şilftazî dîktatorên nû dixwazî

Wêjeya berîk-tazî pêşbirkên du sê zimanî dixwazî

Evdile Koçer: Li ser "Kurd, Kurdî, Kurdistanê" çend Koçernot

Dema ku pirsa "Kurd, Kurdî, Kurdistanê" dikeve erdê, piraniya "bira"yên min yên tirk di bin navê "biratî û wekhevî"yeke pûç de her tiştî berovajî û şêlo dikin.

Divê hin kes ji wan re wisa bêjin: Rahêjin "bira"tiya xwe û bixin qûna "wekhevî"ya xwe!

***

Hinek ji bo "welatparêziya Kurd, Kurdî û Kurdistanê" ked û xwuhdaneke mezin didin; û bi sed reng û awayan vê keda xwe jî vedişêrin.

Evdile Koçer: “Kurdên bi şeref û namûs...!”

Camêrê me îro dîsa li ser xeta telefonê ye. Tu dibêjî qey daweta bavê wî ye. Şîva şevê di koxika wî de tune, rabûye bo kurd û kurdayetiyê telefoneke 18 salî kiriye.

Qûtê zarokên xwe bi dilekî welatparêzane bar kiriye ser telefonê û dixwaze bi wî wextê xwe yê buha ve dîsa dengê xwe yî pîroz û bimbarek bi xêra televizyona kurdî bi ser her çar perçeyên Kurdistanê bixe.

Na na ti gotina min jê re tuneye. Heqê wî heye, an jî ez çi bibêjim demokrasiya lîberal heye birê minooo!.

Evdile Koçer - Dikana Zargotina Kurdî (Ji pirtûka Pêlava Birîndar)

Evdile Koçer: Welatparêzî ji zimanparêziyê dest pê dike!

Ez ne xwediyê enstîtûya welatparêzî û zimanparêziyê me.

Ez ne nobedarê tu teoriyên qerase me.

Di destê min de tu mohrên keskesor tune ne.

Lê tişta min fêm kirî ev e:

Welatparêzî ji zimanparêziyê dest pê dike.

Evdile Koçer di Kurd 1'ê de "Koçername"ya xwe dixwîne

Evdile Koçer: Neteweperestiya kurd?! Neteweperestiya tirk?!

Dewlet, medya û rewşenbîriya tirk gelek têgeh/gotin bi zanahî di nav siyaset, medya û rewşenbîriya kurdî de şêlo kirine û li gorî berjewendiyên xwe wateya wan ji nû ve guhertine.

Yek ji wan têgehan jî "Neteweperest" e.

Weke ku tê zanîn wateya "neteweperest"ê ew e ku kesên hemû heyîn û hebûna miletê xwe diparêzin, pêş dixin û ji bo vê yekê li gorî qewata xwe kar û xebatê dikin.

Evdile Koçer ji pirtûka xwe ya 'Mirin' çîroka 'Guhar'ê dixwîne!

Evdile Koçer: Ji bo Arjen Arî

Axxx Arjeno axxx...

Te yê vê yekê li me nekira heyran.

Te yê bişirîna xwe ya li ser peyvên kurdî ji me kêm nekira qurban.

Te yê di temenê bihara helbesta xwe de xatir ji me nexwesta gidî.

Te yê niha koça dawî ji nivîs û helbesta kurdî nekira.

Evdile Koçer: Bila kurd çima bi kurdî bipeyîvin?!

Di medyaya sosyal de her çiqas ku bakuriyên me bêtir bi tirkî binivîsin jî, lê bi xêra hin kampayayên ji bo kurdî, hezkirina zimanê kurdî her roj zêdetir dibe.

Îro jî di Twîtterê de bi serenavê “#BilaKurdBiKurdîBipeyivin” kampanyayek vebû û bi xêra hin nivîskar û rojnamegerên kurd ev kampanya wekî pêlên deryayê zûka belav bû.

Berî ku ez di derbarê vê mijarê de çend twîtên xwe bi we re parve bikim, ji bo min pirsa herî girîng ev e:

Evdile Koçer: Dersa aştiyê, beşa Oslo, Qendîl, Enqere, Amed...

Civaka kurd û tirk bi şer re balix bû.

Lê ev balixbûn, tenê balixbûna şer e.

Niha jî jê re balixbûna aştiyê lazim e.

Loma serê pêşîn divê civaka kurd û tirk jidil dersa aştiyê werbigire û di pratîkê de jî bixe nav rih û jiyana xwe..

Evdile Koçer - Hişê Serdestan û Barê Bindestan

Evdile Koçer: Çîroka hin siyasetmedar û hunermendên kurd

Çîroka hin siyasetmedar û hunermendên kurd bi tena serê xwe gelek trajîk e.

Lê gelek caran ji trajediyê jî derbas dibe.

***

Hin siyasetmedar û hunermendên kurd, xwe ji ziman û çanda kurdî mezintir dibînin.

Loma tu carî xwe fêrî ziman û çanda kurdî jî nakin.

Evdile Koçer: Meseleyeke Apê Mûsa

Çawa ku tê dizanin Apê Mûsa hem nivîskar hem siyasetmedar hem jî henekbêjekî mezin bû.

Lê berî her tiştî ew bi henekbêjiya xwe bûbû “Apê Mûsa”.

Mîzaca wî ya mîzahî di pêşiya her tiştî de bû. Bûyer û qewimînên siyasî û jiyanê, bi entelektueliyeke têr li gorî şêwaza xwe ya mîzahî vedigot û dinivîsand. Meselok û pêkonokên Apê Mûsa, di devê civaka me de bûne folklorîk.

Evdile Koçer: Pirsgirêka tirk wê çawa bê çareserkirin?

Li Tirkiye û Bakurê Kurdistanê berî "pirsgirêka kurd", helbet "pirsgirêka tirk" heye ku qet behsa wê nayê kirin.

Ev pirsgirêka tirk ji rihê "yek dewlet, yek milet, yek al, yek ziman, yek mizgeft, yek dîn, yekkkkk..."ê peyda bûye û niha bûye belayê serê hemû Rojhilata Navîn û Ewropayê.

Heke ji vê pirsgirêka tirk re çareyeke maqûl bê dîtin, hingê kurd û doza wan jî di çav û rihê civaka tirk û dinyayê de êdî nabe "pirsgirêkek"...

Evdile Koçer: Nexweşiya Peyîvînê!

Li ser çi be, li ser kîjan mijarê be qet ferq nake ezbenî. Dixwaze her bipeyîve. Şev û roj birbira wî ye. Şeqşeqa devê wî ye li ser serê me heyran.

Dixwaze kezeba dilê xwe rihet bike, lê bila di navbera me de bimîne kezeba me jî pê re reşşşşş dibe. Em dikin û nakin, em nizanin xwe çawa jê veşêrin û xilas bikin. Nexweşiya peyîvînê pê re heye heyran!

Evdile Koçer - Hêza Gotin û Wêjeyê

Evdile Koçer: Gelo em Kurd Mazoşîst in?!

Li ser mazoşîstiya me kurdan şikir hemû lêkolînên min qediyan; êdî hindik maye ku ez li ser vê mîrata mazoşîstiya kurdên me doktorayekê bikim heyran!

Êdî di xewnan de jî ew pirs tê bi qirika min ve dizeliqe, “Gelo em kurd çima vê zilm û zordariyê û vê neheqiyê li kurdên xwe dikin.”

Çima em her dem îmana kurdên xwe di çepera nezantiya xwe de dimiçiqînin û vê îşkence û tadayiya naskirî li wan dikin.

Evdile Koçer: Kundirên civaka kurd û tirk!

Çîroka hin kundirên civaka kurd û tirk çîrokeke naskirî ye.

Hinek kundirên tirk, li ser sergoyên civaka tirk, bi delalî xwe digindirînin û li ber deriyê medya û siyaseta kurd bi rihetî dibin 'rewşenbîr'.

***

Û hinek kundirên kurd jî, li ser sergoyên civaka kurd, bi delalî xwe digindirînin û li ber deriyê medya û siyaseta tirk bi hêsanî dibin 'rewşenbîr'.

Evdile Koçer: Ferqa di navbera nivîskar û zimanzanan de

Kurdên ku bi kurdî dizanin binivîsin, lê di Facebook û Twîtterê de ileh bileh û tileh bi tirkî dinivîsin, bila li min negirin lê ez dibêjim qey ji "Zanîngeha Çepgirtiya Sexte" dîplome wergirtine.

***

Ferqa di navbera nivîskar û zimanzanan de ev e:

Yek rihê peyvan vedibêje, yê din behsa gurçik û kezeba peyvan dike.

Evdile Koçer - Rola Dengbêj û Stranbêjan - Hesen Cizîrî Îsa Berwarî Şemd...

Evdile Koçer: Bangek ji bo Kurdên li Almanyayê

Kurdên li Almanyayê divê beşdarî tu çalakiyên îllegal, şîdet, dagirkerî û hwd. nebin.

Ji ber ku qanûnên almanyayê rê dide ku her kes, her fikrê xwe bi awayekî azad bibêje, belav bike û ji bo daxwazên xwe çalakiyên qanûnî organîze bike.

Evdile Koçer: Nexweşiya mezin ya ziman û siyaseta Tirk-mancî

Weke tê zanîn peyva „tirk-mancî“ ji gotinên „tirkî“ û „kurmancî“ daweriya ye.

Vebêjiya zimanê tirkmancî dilxweve ji axaftin û nivîsandina nivî bi tirkî û nîvî bi kurdî pêk tê, lê di rastiya xwe de tirkmancî ji %80 tenê bi tirkî tê axaftin û nivîsandin!

Çend gotinên din yên bi kurdî jî wekî pêxwarina (çerez/kirtleme) zimanê tirkî li holê dimîne.

Evdile Koçer: Zagonên serdest û bindestan wiha ne ezbenî!

Me her dem wekî wan helbestvanên bêguneh jidil doza wekhevî û biratiyê kir…
Lê ew rabûn wekî hovên nûjen me kurdan di bin lingê xwe de perçiqandin û lînç kirin.
*
Me aqil da wan, me şîret li wan kir, me gulî û keziyên xwe ji wan re kir qurban…
Lê ew rabûn aqilê me çeliqandin, diz û nankor derketin.

Evdile Koçer: Ez ê dengê xwe bidim hemû ol, reng, milet, ziman û fikrên cûda yên li ser axa Kurdistanê

Ez ê dengê xwe bidim namzetên kurdîaxêv da ku di hilbijartineke din de namzetên kurd yên tirkîaxêv kêmtir bibin...

Ez ê dengê xwe bidim hemû zarokên şehîdan da ku ji namzetên kurd yên ku werin bijartin re bibin alaya hiş û wîjdanê...

Ez ê dengê xwe bidim 4 hezar gundên şewitî da ku ew gund di meclîsa Enqereyê de di rihê parlamenterên kurd de dîsa ava bibin...

Evdile Koçer: Ji me re welatparêziyeke nû lazim e!

Ji me re welatparêziyeke nû lazim e;

Ku meriv bikaribe ji eşqa zimanê xwe li ser gotinên gulgulî bifire û li asîmanan jî hez ji zimanê tirkî, erebî û farisî bike…

Ku meriv ji rik û ernê van ‘başqan’ên me yên tirkîhez re, ji tirkmenên başûr serok û rêveberên xwe hilbijêre û rihê wan di nava gola çand û zimanê xwe de bibişirîne…

Ku meriv êdî hewl bide zazakî û soranî jî fêr bibe û wekî forseke mezin peyvên wan têkelî kurmanciya xwe bike…

Evdile Koçer: “Ez kurdiya akademîk nizanim!”

Tirkekî ku xwendin û nivîsandina bi tirkî nizanibe, tu carî nabêje, “Ez tirkiya akademîk nizanim!” An dibêje, “Ez nizanim!”, an jî devê xwe digire û belasebeb xwe rezîl nake. Heke jixwe şerm jî bike di nava demeke kurt de xwe fêrî xwendin û nivîsandina bi tirkî dike.

Almanekî ku nikaribe du gotinên almanî bîne ser hev û binivîse, tu carî nabêje, “Ez almaniya akademîk nizanim!”. An yekser dibêje, “Ez nizanim!”, an jî qet tiştekî nabêje û xwe li dinyayê rezîl nake. Heke ji vê ‘nezan’tiya xwe fedî bike, jixwe bi çi rengî be jî xwe fêrî xwendin û nivîsandina bi almanî dike.

Evdile Koçer: Ez heqê xwe li we helal nakim tirkno!

Hûn cîranên me ne...

Bi qewlê Ehmed Arif mirîşkên me tevlihev bûne.


Hê jî helbestkarên me hene ku ristên helbestên xwe li ser biratiya we vedihûnin.

 
Hê jî siyasetmedarên me hêviyê ji we dibin ku em li ser maseyekê rûnin û çayeke biratiyê bi hev re vexwin.
 
Teyî eyb e meriv bêje, lê di Quran, Încîl, Zebûr, Tewrat û Mishefa Reş de jî bi tîpên qalind heqê cîranan li ser cîranan dinivîse.

Evdile Koçer - Sendroma Stockholmê û Sendroma Kurdistanê